Għażliet tat-Tfixxija
Paġna ewlenija Midja Spjegazzjonijiet Riċerka u Pubblikazzjonijiet Statistika Politika Monetarja L-€uro Ħlasijiet u Swieq Karrieri
Suġġerimenti
Issortja skont
STQARRIJA GĦALL-ISTAMPA

Il-Kunsill Governattiv tal-BĊE jadotta opinjoni dwar il-ħatra ta’ President ġdid

9 ta' Ġunju 2011

Fil-laqgħa ta’ llum, il-Kunsill Governattiv tal-Bank Ċentrali Ewropew (BĊE) adotta opinjoni dwar rakkomandazzjoni mill-Kunsill tal-Unjoni Ewropea dwar il-ħatra ta’ President ġdid tal-BĊE.

Il-Kunsill Governattiv ma kellu l-ebda oġġezzjoni għall-kandidat propost, Mario Draghi, li huwa persuna ta’ awtorità u ta’ esperjenza professjonali rikonoxxuta f’affarijiet monetarji jew bankarji, kif mitlub mill-Artikolu 283(2) tat-Trattat dwar il-Funzjonament tal-Unjoni Ewropea.

Wara l-opinjoni tal-Kunsill Governattiv u l-opinjoni tal-Parlament Ewropew, id-deċiżjoni dwar il-ħatra għandha tittieħed mill-Kunsill Ewropew, bil-voti tal-membri tiegħu li huma wkoll membri taż-żona tal-euro.

L-opinjoni tal-BĊE, li se tiġi ppubblikata dalwaqt fil-Ġurnal Uffiċjali tal-Unjoni Ewropea, tinsab fil-websajt tal-BĊE bil-lingwi uffiċjali kollha tal-UE.

KUNTATT

Bank Ċentrali Ewropew

Direttorat Ġenerali Komunikazzjoni

Ir-riproduzzjoni hija permessa sakemm jissemma s-sors.

Kuntatti għall-midja