X'inhu l-euro diġitali?

L-euro diġitali jkun jista’ jintuża għall-ħlasijiet diġitali kollha tiegħek, bl-istess mod kif jistgħu jintużaw il-flus kontanti għall-pagamenti fiżiċi. Dan għandu joffri mod ieħor kif tħallas fil-ħwienet jew fuq l-internet, jew biex tibgħat il-flus lill-ħbieb u lill-familja.

Tkun tista’ tuża l-euro diġitali fi kwalunkwe ħanut u negozju fiż-żona tal-euro li jaċċettaw il-ħlasijiet diġitali.

Bħall-karti tal-flus u l-muniti, l-euro diġitali jkun assi pubbliku, li jfisser li kulħadd fiż-żona tal-euro jkun jista’ jħallas bl-euro diġitali mingħajr tariffi.

Ma jkollokx bżonn konnessjoni mal-internet. Xorta tkun tista’ tagħmel il-ħlasijiet tiegħek mingħajr ma jkollok għalfejn taqbad mal-internet.

Anki meta tuża l-euro diġitali fuq l-internet, ma nkunux nistgħu nidentifikawk abbażi tal-ħlasijiet tiegħek. Barra minn hekk, l-euro diġitali joffri privatezza bħall-flus kontanti għall-użu mhux fuq l-internet.

Euro dejjem se jkun euro. Euro diġitali wieħed dejjem jiswa eżattament l-istess bħal munita ta’ €1.