Digital euro
L-euro diġitali jkun forma diġitali ta’ flus kontanti, maħruġa mill-bank ċentrali u disponibbli għal kulħadd fiż-żona tal-euro.
Qed naħdmu mal-banek ċentrali nazzjonali taż-żona tal-euro biex neżaminaw il-ħruġ possibbli tal-euro diġitali. Din tkun munita diġitali ta’ bank ċentrali, ekwivalenti elettronika għall-flus kontanti. U tikkumplimenta l-karti tal-flus u l-muniti, u tagħti lin-nies għażla addizzjonali dwar kif iħallsu.
Progress dwar l-euro diġitali
F’Ottubru 2025, il-Kunsill Governattiv tal-BĊE ddeċieda li l-Eurosistema se tgħaddi għall-fażi li jmiss tal-proġett tal-euro diġitali.
Immaġina l-euro diġitali
Flus tal-bank ċentrali f’forma diġitali, disponibbli għal pagamenti elettroniċi fil-ħwienet, online jew minn persuna għal oħra. Skopri kif tista’ taħdem.
Mistoqsijiet Komuni
L-euro diġitali kif se jgħinni? L-euro diġitali kif se jkun differenti mill-istablecoins u mill-kriptoassi? L-euro diġitali jiggarantixxi l-privatezza tal-utenti? L-euro diġitali jieħu post il-flus kontanti? Ara t-tweġibiet għall-mistoqsijiet komuni hawn.
L-euro diġitali meta mqabbel ma’...
... privatezza
L-euro diġitali se joffri lin-nies u lin-negozji fiż-żona tal-euro soluzzjoni ta’ ħlas bl-ogħla standards ta’ privatezza. Il-BĊE u l-Eurosistema ma jkunux jistgħu jidentifikaw min int jew x’qed tixtri mid-data tal-ħlas li nirċievu.
Il-ħlasijiet bl-euro diġitali: id-data tiegħi tkun sigura?... kriptoassi
Il-kriptoassi ma huma sostnuti jew amministrati minn ebda istituzzjoni ċentrali. M’hemm l-ebda garanzija li tista’ taqlibhom għal flus kontanti meta jkollok bżonn. Peress li l-euro diġitali jkun appoġġat minn bank ċentrali, dan ma jkunx kriptoassi. Il-banek ċentrali għandhom mandat biex iżommu l-valur tal-flus, irrispettivament minn jekk humiex fiżiċi jew diġitali.
X’inhi d-differenza?...l-ispejjeż tal-investiment tal-banek
L-implimentazzjoni tal-euro diġitali tiswa lill-banek bejn €4 biljun u €5.8 biljun. Dan huwa ferm aktar baxx mill-istimi preċedenti tal-industrija, peress li jirrifletti l-potenzjal għall-banek li jikkondividu l-infrastruttura u jisfruttaw is-sinerġiji.
Aqra l-analiżi sħiħa dwar l-ispejjeż tal-investiment fl-euro diġitali għas-settur bankarju taż-żona tal-euro... stabbiltà finanzjarja
L-euro diġitali qed jiġi ddisinjat għall-użu ta’ kuljum. Analiżi tal-BĊE turi li l-użu tal-euro diġitali għall-pagamenti ta’ kuljum ma jagħmilx ħsara lill-istabbiltà finanzjarja – anke f’xenarju ta’ kriżi ferm improbabbli u estrema, agħar minn kwalunkwe kriżi reali matul l-ewwel 25 sena tal-euro.
Aqra l-analiżi teknika dwar l-impatt tal-istabbiltà finanzjarja tal-euro diġitaliIl-Podcast tal-BĊE:
L-euro diġitali: x’hiex, għaliex, meta? (partijiet 1 u 2)
Għandna bżonn tal-euro diġitali, u għaliex? Kif jista’ jidher? U kif ikun differenti minn mezzi oħra ta’ ħlas? Il-preżentatriċi tagħna, Katie Ranger, tagħmel dawn il-mistoqsijiet lill-euro espert diġitali, Evelien Witlox.
Isma’ dawn l-episodji tal-podcastL-euro diġitali, demistifikat
Qed inħejju għall-possibbiltà li noħorġu euro diġitali. Dan qed iqajjem ħafna interess − u fehmiet żbaljati — minkejja l-fatt li għadha ma ttieħdet l-ebda deċiżjoni. Il-preżentatriċi tagħna, Stefania Secola, u l-kap tal-proġett tal-euro diġitali, Evelien Witlox, jiċċaraw l-affarijiet.
Isma’ dan l-episodju tal-podcastNiżguraw it-trasparenza u r-responsabbiltà
Aħna impenjati li nżommu t-trasparenza u r-responsabbiltà fil-proġett tal-euro diġitali. Aħna nappoġġaw il-proċess leġiżlattiv billi nipprovdu kontribut tekniku. Il-membru tal-Bord Eżekuttiv tal-BĊE, Piero Cipollone, jaġġorna wkoll regolarment lill-Kumitat għall-Affarijiet Ekonomiċi u Monetarji tal-Parlament Ewropew.
Aqra l-aġġornamenti dwar il-proġett tal-euro diġitaliL-AKTAR PUBBLIKAZZJONIJIET REĊENTI DWAR l-EURO DIĠITALI
SIBHOM HAWN
Oqgħod attent(a) minn frodi
Nafu li hemm emails u siti web foloz li qegħdin jitolbu lin-nies biex jinvestu fl-euro diġitali. Dawn huma skemi qarrieqa. Aħna qatt ma nistaqsu lin-nies dwar investimenti, flus jew nitolbuhom informazzjoni personali. Jekk taħseb li sfajt vittma ta’ frodi, ikkuntattja lill-pulizija lokali tiegħek.